پڕۆژەی دادپەروەریی گۆڕانکاری

پڕۆژەی دادپەروەریی گۆڕانکاری لەلایەن ڕێکخراوی مەسەلە و بە هاوبەشی لەگەڵ ڕێکخراوی پاکس (Pax) و لێبوردنی نێودەوڵەتی (Amnesty International) و بە پاڵپشتی وەزارەتی دەرەوەی هۆڵەندا جێبەجێ کراوە. ئامانجی پڕۆژەکە پەرەپێدانی تەبایی کۆمەڵایەتی، چارەسەرکردنی ڕابردووی سەخت و توندوتیژ، ڕێگری لە دووبارەبوونەوەی ململانێ و کێشە کۆمەڵایەتییەکان، و چالاککردنی ڕۆڵ و بەشداریی گەنجان، ژنان و گروپە پەراوێزخراوەکانە لە چارەسەرکردنی ململانێکان و بڕیارداندا. ئەمەش لە ڕێگەی پێشکەشکردنی پاڵپشتی لۆجستی و تەکنیکی، هەروەها بەخشینی دارایی بۆ ئەو چالاکییانەی کە لەلایەن ڕێکخراوە ناوخۆییەکان، تیمە خۆبەخشەکان و دەستپێشخەرییە کۆمەڵایەتییەکانەوە لە چوارچێوەی پڕۆژەکەدا ڕێکدەخرێن، بە دڵنیابوون لە گشتگیری و جیاوازی بەبێ گوێدانە ڕەگەز، ئایین، ڕەگەزی بایۆلۆژی، دەسەڵات، یان ئاستی کولتووری.

بیرۆکەی پڕۆژەی دادپەروەریی گۆڕانکاری لە پڕۆژەی لیژنە ناوخۆییەکانی ئاشتی (٢٠١٨-٢٠٢١) سەرچاوەی گرتووە. لەو ماوەیەدا مەسەلە بە هاوبەشی لەگەڵ پاکس چوار لیژنەی ناوخۆیی ئاشتی لە ڕۆژئاوای نەینەوا (لە زوممار، ڕەبیعە، سنوونی و عەیادیە) دامەزراند. ئەم لیژنانە پاڵپشتی ئەو دەستپێشخەرییانەیان دەکرد کە پەرەیان بە تەبایی کۆمەڵایەتی، پێکەوەژیانی ئاشتییانە، چارەسەرکردنی ململانێکان و داکۆکیکردن لە ئەولەویەتەکانی کۆمەڵگە دەدا. دواتر چەمکەکە پەرەی سەند بۆ پێشکەشکردنی پاڵپشتی کراوە بۆ ڕێکخراوە ناوخۆییەکان و تیمە خۆبەخشەکان بۆ کارکردن لەسەر میکانیزمەکانی دادپەروەریی گۆڕانکاری کە جەخت لەسەر تەبایی کۆمەڵایەتی و پێکەوەژیان و چارەسەری ململانێ دەکەنەوە، بەتایبەتی جەختکردنەوە لەسەر مامەڵەکردن لەگەڵ ڕابردوو.

ئامانجەکانی پڕۆژە:

١. ئامانجی یەکەمی دیاریکراو: قوربانییان و ئەو کەسانەی کە بەهۆی پێشێلکارییەکانی مافی مرۆڤ و ململانێی توندوتیژ لە نەینەوا زیانیان بەرکەوتووە (بەتایبەت ئەوانەی لەسەر بنەمای ڕەگەز، تەمەن و نەتەوە پەراوێز خراون) ڕۆڵێکی گرنگ دەگێڕن لە کاریگەری دروستکردن لەسەر دادپەروەریی گۆڕانکاری (مامەڵەکردن لەگەڵ ڕابردوو و دڵنیابوون لە دووبارەنەبوونەوە) و پرۆسەکانی لێپرسینەوە بۆ ئەوەی گشتگیرتر بن. ئەمەش لە ڕێگەی جەختکردنەوە لەسەر گرنگیی نۆرم و ڕۆڵ و پەیوەندییە کۆمەڵایەتییەکان کە هەموو گروپەکان دەگرێتەوە.

٢. ئامانجی دووەمی دیاریکراو: زیادکردنی هاوکاری لە نێوان گروپەکانی قوربانییان بۆ بەرگریکردنی هاوبەش لە مافەکانیان و دەستڕەسی بۆ میکانیزم و کەناڵەکانی دادپەروەریی ناوخۆیی، نیشتمانی و نێودەوڵەتی.

ئەو خزمەتگوزارییانەی پڕۆژەکە پێشکەشی دەکات:

١. ئاسانکاری بۆ هەماهەنگی، هاوکاری و پەیوەندی لەگەڵ ڕێکخراوە ناوخۆییەکان و تیمە خۆبەخشەکان بۆ ڕێکخستن و پلاندانانی چالاکییەکان لە چوارچێوەی پڕۆژەکەدا.

٢. دابینکردنی پاڵپشتی ماددی، لۆجستی و تەکنیکی بۆ جێبەجێکردنی دەستپێشخەری و چالاکییەکان.

٣. پێشکەشکردنی مەشق و ڕاهێنان و وۆرکشۆپ بۆ بنیاتنان و پەرەپێدانی تواناکان.