مێژویێک بەردرتژایی 20 ساڵ

بە ناونانی ڕێکخراوەکەمان بە ناوی "مەسەلە"، ئامانجمان بەرجەستەکردنی بنەماکانی دادپەروەری، یەکسانی و سەروەریی یاسایە کە بۆ یەکەمجار لەسەر ئەو بەردە کۆنە (کێلە بەرد) نەخشێنراون. پەیامی ئێمە پاراستنی ئەم بەهایانە و جێبەجێکردنیانە لە بەرامبەر ئالانگاریەکانی سەردەمدا، لە ڕێگەی داکۆکیکردن لە دادپەروەری و یەکسانی لە ناو کۆمەڵگەکەمان و لەودیو سنوورەکانیشەوە. ئەم ناوە ڕەنگدانەوەی پابەندبوونی ئێمەیە بۆ بنیاتنانی کۆمەڵگەیەک کە تێیدا ڕێز لە مافەکان بگیرێت، یاساکان جێبەجێ بکرێن و دادپەروەری بۆ هەمووان دەستەبەر بێت. ئێمە بڕوامان وایە کە گۆڕانکاری پەیوەندی بە شوێنەوە نییە، بەڵکو پەیوەندی بە مرۆڤەکانەوە هەیە.

لە کاتی دامەزراندنییەوە، مەسەلە گەشەیەکی بەرچاوی لە ڕووی توانا، ستاف و ئەزموونەوە بەخۆیەوە بینیوە. ئێمە بە شێوەیەکی چالاک لەگەڵ هاوبەشەکانی کۆمەڵگەی مەدەنی لە عێراق و ئەکتەرە نێودەوڵەتییەکان کارمان کردووە بۆ هێنانەدی گۆڕانکاری ئەرێنی. ئەمڕۆ لە ڕێگەی پێنج نووسینگەی سەرەکییەوە لە ناوچە ستراتیژییەکانی عێراق کار دەکەین، کە هەولێر وەک بارەگای سەرەکی (نوسینگەی سەرەکی) خزمەت دەکات. هەبوونی چالاکانەمان بۆ بەغدا، موسڵ و ڕەمادی درێژ دەبێتەوە، کە تێیاندا بەردەوامین لە فراوانکردنی کاریگەری و دەستڕەسییەکانمان. وەک فێرخوازێکی هەتاهەتایی، ئێمە پابەندین بە باشترکردنی بەردەوام و داهێنان لە شێوازەکانی کارکردنماندا. ئەم دڵسۆزییە ڕێگەمان پێ دەدات خۆمان لەگەڵ ئالانگاریە گۆڕاوەکاندا بگونجێنین و بە شێوەیەکی کارا وەڵامی پێداویستییەکانی ئەو کۆمەڵگانە بدەینەوە کە خزمەتیان دەکەین.

دیدگا :

کۆمەڵگەیەکی دادپەروەر کە تێیدا هەموو تاکێکی عێراق، بەبێ گوێدانە پاشخانیان، لە مافەکانیان بەهرەمەند بن، لە ناو کۆمەڵگەکەیاندا گەشە بکەن، و بەشدار بن لە بنیاتنانی جیهانێکی ئاشتیخواز و تەبا.

پەیام :

بەهێزکردنی کۆمەڵگە پەراوێزخراوەکان لە عێراق لە ڕێگەی پەرەپێدانی مافەکانی مرۆڤ، ڕەخساندنی دەرفەتی ئابووری، و بەهێزکردنی تەبایی کۆمەڵایەتی لە ڕێگەی بەشداریپێکردنی کۆمەڵگە و بەدەستهێنانی ئەنجامی بەردەوام و پێوراو.